ថ្ងៃពុធ ទី២៧ ខែតុលា ឆ្នាំ២០៥០
គេហទំព័រ ស្នាដៃស្ត្រីខ្មែរ
អភិបាលខេត្តបន្ទាយមានជ័យ អញ្ជើញចុះពិនិត្យមើលផលប៉ះពាល់ជាក់ស្តែងក្រោយទឹកជំនន់ នៅស្រុកមង្គលបូរី
Mon,11 October 2021 (Time 11:09 AM)
ដោយ ៖ សហការី (ចំនួនអ្នកអាន: 14នាក់)

នាថ្ងៃទី១០ ខែតុលា ឆ្នាំ២០២១នេះ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ អមដំណើរដោយ លោក ប៉ាង វណ្ណាសេដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទខេត្ត លោក រ័ត្ន ដាសុីណង់ អភិបាលស្រុកមង្គលបូរី ឃុំ បានអញ្ជើញចុះពិនិត្យមើលផលប៉ះពាល់ជាក់ស្តែងផ្លូវថ្នល់ ស្រូវស្រែប្រជាពលរដ្ឋ នៅឃុំសឿ ស្រុកមង្គលបូរី និង នៅសង្កាត់ភ្នៀត សង្កាត់កោះពងសត្វ ក្រុងសិរីសោភ័ណ ខេត្តបន្ទាយមានជ័យ ក្រោយទឹកស្រក។

សូមជម្រាបជូនថា បងប្អូនប្រជាកសិករបានកំពុងចាប់ផ្តើមធ្វើការបង្ករបង្កើនផលឡើងវិញក្រោយរដូវទឹកសម្រកនេះ និងស្រូវខ្លះមានដើមដងល្អ នៅក្នុងស្រុកមង្គលបូរី។ ដោយឡែកនៅខាងសង្កាត់ភ្នៀត សង្កាត់កោះពងសត្វ ជាភូមិសាស្ត្រផ្នែកខាងក្រោមដែលទទួលទឹកហូរធ្លាក់ទៅពីស្ទឹងសិរីសោភ័ណ ស្ថានភាពទឹកនូវមិនទាន់មានសភាពធូស្រាលទាំងស្រុងនោះទេ កន្លែងខ្លះទឹកនៅហូរកាត់លើផ្លូវ ថ្នល់ក្នុងភូមិ។

ជាមួយនឹងការអញ្ជើញចុះពិនិត្យនោះ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ បានជម្រុញនិងណែនាំបន្ថែមដល់បងប្អូនប្រជាកសិករទាំងអស់ត្រូវបន្តខិតខំធ្វើការដាំដុះបង្ករបង្កើនផលស្រូវ ដំណាំរួមផ្សំផ្សេងទៀត ឡើងវិញ ដើម្បីជួយលើកកម្ពស់ជីវភាពប្រចាំថ្ងៃ។
រស់នៅដោយប្រកាន់ភ្ជាប់វិធានការ៣ការពារ និង៣កុំឲ្យបានខ្ជាប់ខ្ជួនដើម្បីការពារជំងឺកូវីដ១៩។

ចំពោះស្ថានភាពផ្លូវរងការខូចខាតវិញ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ ក្នុងនាមអាជ្ញាធរខេត្តនឹងរកវិធានការដោះស្រាយ សម្រួលដល់ការធ្វើដំណើរ ដឹកជញ្ជូនទំនិញ កសិផលប្រជាពលរដ្ឋ ឲ្យបានល្អប្រសើរឡើញវិញតាមលទ្ធភាពជាក់ស្តែងនៅពេលទឹកស្រកផុតទាំងស្រុង៕

ព័ត៌មានគួរចាប់អារម្មណ៍

ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីលួច (ស្នាដៃស្រ្តីខ្មែរ)

ព័ត៌មានគួរចាប់អារម្មណ៍

កាំកុង​ត្រូល​ខេត្តកណ្ដាល ចុះត្រួតពិនិត្យ​ទំនិញហួសកាលបរិច្ឆេទ និងខូចគុណភាព ដាក់លក់នៅ​ផ្សាររកា​កោង (ស្នាដៃស្រ្តីខ្មែរ)

ព័ត៌មានគួរចាប់អារម្មណ៍

រដ្ឋបា​លខេត្តស្ទឹងត្រែង​ បើកវេទិកា​រផ្សព្វផ្សាយ និងពិគ្រោះ​យោបល់របស់ក្រុមប្រឹក្សា​ខេត្ត សម្រាប់​អាណត្តិទី៣ ឆ្នាំ២​០១៩ នៅក្នុងស្រុកសៀម​ប៉ាង (ស្នាដៃស្រ្តីខ្មែរ)

ព័ត៌មានគួរចាប់អារម្មណ៍

ចាប់ឃា​ត់ខ្លួនជនសង្ស័យម្នាក់ ពាក់ព័ន្ធករណីគ្រឿងញៀន (ស្នាដៃស្រ្តីខ្មែរ)

ព័ត៌មានគួរចាប់អារម្មណ៍

ឃាត់ខ្លួនប៉ូលីសក្លែងក្លាយ ​ពាក់ឯកសណ្ឋានស័ក្តិ​៣ ធ្វើសកម្មភាពឆែកឆេរសម្ភារៈ និងគំរាមពិនិត្យ​ទឹក​នោម​រកសារធាតុញៀន ទៅលើយុវជនម្នាក់ នៅភ្នំ​ពេញ (ស្នាដៃស្រ្តីខ្មែរ)

វីដែអូ