ថ្ងៃសៅរ៍ ទី២៩ ខែមករា ឆ្នាំ២០៥០
គេហទំព័រ ស្នាដៃស្ត្រីខ្មែរ
ខេត្តសៀមរាបជាប់លំដាប់ថ្នាក់លេខ២ ទូទាំងប្រទេស សម្រាប់ការប្រឡងឆ្នាំសិក្សា២០២០- ២០២១ នៃសិស្សបានជាប់និទ្ទេសA
Fri,14 January 2022 (Time 11:06 PM)
ដោយ ៖ (ចំនួនអ្នកអាន: 25នាក់)

សៀមរាប៖ យោងតាមសេចក្ដីប្រកាសព័ត៌មានរបស់ក្រសួងអប់រំ យុវជន និងកីឡា នៅថ្ងៃទី១៤ ខែមករា ឆ្នាំ២០២២នេះ ខេត្តសៀមរាបមានចំនួនបេក្ខជនប្រឡងសញ្ញាបត្រមធ្យមសិក្សាទុតិយភូមិ ជាប់និទ្ទេសA ច្រើនជាងគេលំដាប់លេខ២ ទូទាំងប្រទេស បន្ទាប់ពីរាជធានីភ្នំពេញ។

សេចក្ដីប្រកាសព័ត៌មានដដែលនេះ បញ្ជាក់ថា បេក្ខជនដែលបានប្រឡងសញ្ញាបត្រមធ្យមសិក្សាទុតិយភូមិ ដែលបានជាប់និទ្ទេសA មានចំនួនសរុប ១,៧៥៣នាក់ ក្នុងនោះលំដាប់ថ្នាក់លេខ១ គឺរាជធានីភ្នំពេញមានចំនួន ៥៦៥នាក់, លេខ២ សៀមរាបមានចំនួន ១៥៣នាក់ និងតាមពីក្រោយគឺខេត្តកណ្ដាលមានចំនួន ១២៧នាក់។

តាមលិខិតដដែលនេះដែរ ក៏បានបញ្ជាក់ថា បេក្ខជនទូទាំងប្រទេសដែលបានចុះឈ្មោះប្រឡងសញ្ញាបត្រមធ្យមសិក្សាទុតិយភូមិមានចំនួនសរុប១១៤,១៨៧នាក់ និងបានប្រឡងជាប់សរុប ៧២,០១៦។ លទ្ធផលនេះស្មើនឹង ៦៥.៦៥ភាគរយ ធ្លាក់ចុះជិត ៣ភាគរយ បើធៀបនឹងឆ្នាំសិក្សា២០១៩-២០២០ ដែលមានចំនួន ៦៨.៦២ភាគរយ។

គួររំលឹកថា នាសម័យប្រឡងមធ្យមសិក្សាទុតិយភូមិឆ្នាំសិក្សា២០២០-២០២១ ព្រឹកថ្ងៃទី២៧ ខែធ្នូ ឆ្នាំ២០២១ ឯកឧត្តម អ៊ាន ឃុន ប្រធានក្រុមប្រឹក្សាខេត្ត ឯកឧត្តម ទៀ សីហា អភិបាលខេត្តសៀមរាប ឯកឧត្តម លោកជំទាវ សមាជិកក្រុមប្រឹក្សាខេត្ត លោកអភិបាលរង និងលោកស្រីអភិបាលរងខេត្តទាំងអស់ បានអញ្ជើញជាអធិបតី ក្នុងការបើកវិញ្ញាសារប្រឡងនៅតាមមណ្ឌលប្រឡងទាំង ១២ ក្នុងខេត្តសៀមរាប ដើម្បីលើកទឹកចិត្តដល់បេក្ខជន និងបង្ហាញពីការយកចិត្តទុកដាក់ខ្ពស់របស់អាជ្ញាធរខេត្តគ្រប់លំដាប់ថ្នាក់ លើវិស័យអប់រំក្នុងខេត្តនេះ៕

ព័ត៌មានគួរចាប់អារម្មណ៍

ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីលួច (ស្នាដៃស្រ្តីខ្មែរ)

ព័ត៌មានគួរចាប់អារម្មណ៍

កាំកុង​ត្រូល​ខេត្តកណ្ដាល ចុះត្រួតពិនិត្យ​ទំនិញហួសកាលបរិច្ឆេទ និងខូចគុណភាព ដាក់លក់នៅ​ផ្សាររកា​កោង (ស្នាដៃស្រ្តីខ្មែរ)

ព័ត៌មានគួរចាប់អារម្មណ៍

រដ្ឋបា​លខេត្តស្ទឹងត្រែង​ បើកវេទិកា​រផ្សព្វផ្សាយ និងពិគ្រោះ​យោបល់របស់ក្រុមប្រឹក្សា​ខេត្ត សម្រាប់​អាណត្តិទី៣ ឆ្នាំ២​០១៩ នៅក្នុងស្រុកសៀម​ប៉ាង (ស្នាដៃស្រ្តីខ្មែរ)

ព័ត៌មានគួរចាប់អារម្មណ៍

ចាប់ឃា​ត់ខ្លួនជនសង្ស័យម្នាក់ ពាក់ព័ន្ធករណីគ្រឿងញៀន (ស្នាដៃស្រ្តីខ្មែរ)

ព័ត៌មានគួរចាប់អារម្មណ៍

ឃាត់ខ្លួនប៉ូលីសក្លែងក្លាយ ​ពាក់ឯកសណ្ឋានស័ក្តិ​៣ ធ្វើសកម្មភាពឆែកឆេរសម្ភារៈ និងគំរាមពិនិត្យ​ទឹក​នោម​រកសារធាតុញៀន ទៅលើយុវជនម្នាក់ នៅភ្នំ​ពេញ (ស្នាដៃស្រ្តីខ្មែរ)

វីដែអូ