ថ្ងៃព្រហស្បតិ៍ ទី០៧ ខែកក្កដា ឆ្នាំ២០៥០
គេហទំព័រ ស្នាដៃស្ត្រីខ្មែរ
អនុប្រធានទី១ អាជ្ញាធរមីនចាត់ទុកប្រទេសអូស្រ្តាលី​គឺជាដៃគូដ៏លេចធ្លោ ​និងរឹងមាំ​សម្រាប់​វិស័យសកម្មភាពមីននៅកម្ពុជា
Tue,14 June 2022 (Time 10:57 PM)
ដោយ ៖ (ចំនួនអ្នកអាន: 19នាក់)

ឯកឧត្ដមទេសរដ្ឋមន្រ្ដី លី ធុជ អនុប្រធានទី១ អាជ្ញាធរមីនបានជម្រាបជូនមន្រ្ដីជាន់ខ្ពស់​ក្រសួង​ការបរទេស​និងពាណិជ្ជកម្មអូស្ត្រាលី​អំពី​សមិទ្ធផល​រយៈ​ពេល​៣០ឆ្នាំ​ ចាប់​តាំងពីឆ្នាំ​១៩៩២​ នៃការចាប់ផ្តើមកម្មវិធីសកម្មភាពមីនមនុស្សធម៌​នៅ​កម្ពុជា​ ​​ក្រោម​កិច្ចខិតខំប្រឹង​ប្រែង​របស់រាជរដ្ឋាភិបាលកម្ពុជា​ និងមានការចូលរួមរបស់​ប្រទេស​ម្ចាស់​ជំនួយ​ ​និងដៃគូ​អភិ​វឌ្ឍន៍​ ហើយក្នុងនោះបានចាត់ទុកប្រទេសអូស្រ្តាលី​គឺជាដៃគូដ៏លេចធ្លោ​និងរឹងមាំ​សម្រាប់​​វិស័យសកម្មភាពមីននៅកម្ពុជា។

ការលើកឡើងរបស់ឯកឧត្ដមទេសរដ្ឋមន្រ្ដីនេះ ក្នុងការ​ទទួលជួបពិភាក្សា​ការងារជាមួយ​លោកជំទាវ​ Kathryn Campbell រដ្ឋលេខាធិការនៃ​ក្រសួង​ការ​បរទេស​និងពាណិជ្ជកម្មអូស្ត្រាលី​ ស្តីពីភាពជាដៃគូ​ និង​កិច្ចសហប្រតិបត្តិការ​ពាក់ព័ន្ធ​នឹងវិស័យសកម្មភាពមីន​ កាលពីរសៀលថ្ងៃទី១៣ ខែមិថុនា ឆ្នាំ២០២២ នៅទីស្នាក់ការ​អាជ្ញាធរមីន​។ នេះបើតាមផេកហ្វេសប៊ុកផ្លូវការរបស់ឯកឧត្ដមទេសរដ្ឋមន្រ្ដី លី ធុជ។

ឯកឧត្ដមទេសរដ្ឋមន្រ្ដី លី ធុជ បានថ្លែងអំណរគុណយ៉ាងជ្រាលជ្រៅជូន​ចំពោះ​រដ្ឋា​ភិ​បាល​ និងប្រជាជនអូស្រ្តាលី​ ដែលជួយគាំទ្រដល់វិស័យសកម្មភាពមីនមនុស្ស​ធម៌​នៅ​កម្ពុជា​តាំង​ពីឆ្នាំ១៩៩៤​ និងក្រោយមកបានចូលរួមគាំទ្រដល់គម្រោងបោសសម្អាតមីន​ចាប់​តាំង​ពី​ឆ្នាំ២០០៦​ ដោយផ្តល់ដីមានសុវត្ថិភាព​ ​និងបានជួយសង្រ្គោះដល់អាយុជីវិត​បាន​រាប់​លាន​នាក់​ឱ្យរួចផុតពីគ្រោះថ្នាក់ដោយមីន​និងសំណល់ជាតិផ្ទុះពីសង្រ្គាម។

ឯកឧត្ដម​ទេស​​រដ្ឋ​មន្រ្ដី​ក៏បានជម្រាប​ជូនលោក​ជំទាវរដ្ឋមន្រ្ដី​ជាមួយនឹងសមិទ្ធផលទាំងនេះថា​ រាជរដ្ឋាភិ​បាលបានដាក់ចេញនូវចក្ខុវិស័យយ៉ាងច្បាស់លាស់ដោយកំណត់គោលដៅកម្ពុជាគ្មានមីនឆ្នាំ២០២៥។ ​​​ដើម្បី​សម្រេចគោលដៅនេះ​កម្ពុជា​ត្រូវ​ការបោសសម្អាតមីន​លើផ្ទៃដី​ប្រមាណ​ ១៦០គីឡូម៉ែត្រក្រឡា​ ​ក្នុងមួយឆ្នាំ​​ ប៉ុន្តែបច្ចុប្បន្ននេះ​ កម្ពុជា​អាចមានលទ្ធភាព​បោស​សម្អាតបានត្រឹមតែពី​៩០-១០០គីឡូម៉ែត្រក្រឡា​ប៉ុណ្ណោះ​។

ក្នុងនាមរាជរដ្ឋាភិបាល​ ​និងប្រជាជនកម្ពុជា​ ឯកឧត្ដមទេសរដ្ឋមន្រ្ដី លី ធុជ បាន​ស្នើ​សុំ​ឱ្យរដ្ឋាភិបាល​អូស្ត្រាលី​ បន្តជួយគាំទ្រដល់ការងារបោសសម្អាតមីនរហូត​ដល់កម្ទេច​គ្រាប់​​មីនចុងក្រោយនៅកម្ពុជា​​ទោះបីកម្ពុជាមិនបានសម្រេចគោលដៅឆ្នាំ២០២៥​ក៏ដោយ​។ លោកជំទាវ​​ Kathryn Campbell​ បានកោតសរសើ​ និងវាយតម្លៃខ្ពស់ចំពោះ​ការ​សម្រេច​បាននៃការងារបោសសម្អាតមីននៅកម្ពុជា​ ហើយយលោកជំទាវ​ នឹងបន្តគាំទ្រ​ដល់​ការងារបោសសម្អាតមីននៅកម្ពុជា​ ​ព្រមទាំងពាំនាំនូវ​សំណើសុំ​ និងលទ្ធផលនៃកិច្ច​ប្រជុំ​នេះ​ ជម្រាបប្រាប់រដ្ឋាភិបាលអូស្រ្តាលី​ ផងដែរ​៕

ព័ត៌មានគួរចាប់អារម្មណ៍

ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីលួច (ស្នាដៃស្រ្តីខ្មែរ)

ព័ត៌មានគួរចាប់អារម្មណ៍

កាំកុង​ត្រូល​ខេត្តកណ្ដាល ចុះត្រួតពិនិត្យ​ទំនិញហួសកាលបរិច្ឆេទ និងខូចគុណភាព ដាក់លក់នៅ​ផ្សាររកា​កោង (ស្នាដៃស្រ្តីខ្មែរ)

ព័ត៌មានគួរចាប់អារម្មណ៍

រដ្ឋបា​លខេត្តស្ទឹងត្រែង​ បើកវេទិកា​រផ្សព្វផ្សាយ និងពិគ្រោះ​យោបល់របស់ក្រុមប្រឹក្សា​ខេត្ត សម្រាប់​អាណត្តិទី៣ ឆ្នាំ២​០១៩ នៅក្នុងស្រុកសៀម​ប៉ាង (ស្នាដៃស្រ្តីខ្មែរ)

ព័ត៌មានគួរចាប់អារម្មណ៍

ចាប់ឃា​ត់ខ្លួនជនសង្ស័យម្នាក់ ពាក់ព័ន្ធករណីគ្រឿងញៀន (ស្នាដៃស្រ្តីខ្មែរ)

ព័ត៌មានគួរចាប់អារម្មណ៍

ឃាត់ខ្លួនប៉ូលីសក្លែងក្លាយ ​ពាក់ឯកសណ្ឋានស័ក្តិ​៣ ធ្វើសកម្មភាពឆែកឆេរសម្ភារៈ និងគំរាមពិនិត្យ​ទឹក​នោម​រកសារធាតុញៀន ទៅលើយុវជនម្នាក់ នៅភ្នំ​ពេញ (ស្នាដៃស្រ្តីខ្មែរ)

វីដែអូ